Ye Kon Rah Main Bethy Hain Tehzeeb hafi

 یہ کون راہ میں بیٹھے ہیں مسکراتے ہیں 

مسافروں کو غلط راستہ بتاتے ہیں 

ترے لگائے ہوئے زخم کیوں نہیں بھرتے 

مرے لگائے ہوئے پیڑ سوکھ جاتے ہیں 

اِنہیں گلہ تھا کہ میں نے اِنہیں نہیں چاہا 

یہ اب جو میری توجہ سے خوف کھاتے ہیں 

کوئی تمھارا سفر پر گیا تو پوچھیں گے 

کہ ریل گزرے تو ہم ہاتھ کیوں ہلاتے ہیں 

جو بات اپنے لیے دوستوں کے منہ سے سُنی 

دوبارہ بولوں تو ہونٹوں پہ زخم آتے ہیں 

(تہذیب حافی)